اهلاً.. اليوم بتكلم عن ادوات الذكاء الاصطناعي اللي استخدمها كل يوم واللي تساعدني في الانتاجية بشكل افضل..

الادوات هذي مو قائمة عامة.

مو “أفضل 20 أداة في 2026”.

مو شي قرأته في مقال.

هذي الأدوات اللي افتحها يومياً، اللي تساعدني انجز شغلي بشكل اسرع، واللي بنيت حولها نظام شغلي كامل.

Obsidian + Hermes

كل شي يبدأ من هنا.

Obsidian هو النظام الخاص فيني.

او اللي سميته Personal OS

كل المشاريع، الملاحظات، الأفكار، التاسكات، القرارات، التعليمات، كلها في مكان واحد.

Hermes هو الـAI agent اللي يشتغل فوق Obsidian. يقرا الملفات، يفهم السياق، يساعدني افكر، يكتب، يخطط، ويربط الأشياء ببعض.

الفكرة: ما عندي AI منفصل عن شغلي. الـAI يعيش داخل Personal OS الخاص فيني ويتحرك بنفس السياق اللي اتحرك فيه.

أغلب المؤسسين يستخدمون AI كتبويب منفصل: يفتحون ChatGPT، يسألون سؤال، يأخذون جواب، يقفلون. بعدها يرجعون لشغلهم.

أنا اخليه يدخل في شغلي.

للتخطيط والمراجعة: Hermes + Claude Code + Codex

اذا ابغى أفكر في مشروع، اخطط للأسبوع، أو اراجع قرار:

• افتح Personal OS في Obsidian
• اشغل Hermes أو Claude Code أو Codex
• اخليه يقرا السياق من الفولدر
• اسأله أسئلة عن المشروع، الفكرة، أو القرار

الفرق عن استخدام ChatGPT العادي: الـAI يعرف مشروعي، يعرف منتجاتي، يعرف القرارات السابقة، يعرف ايش الـTASKS الحالية. ما احتاج اعيد له السياق كل مرة.

للبناء: Codex (والـClaude Code وقت أحتاج رأي ثاني)

Codex هو اللي افتحه أول شي اذا ابي اكتب كود.

رهيب في فهم الكود، يشتغل بسرعة، ويعطيني نتيجة قابلة للاستخدام من أول محاولة في أغلب الأحيان.

Claude Code أرجع له اذا ابي:

رأي ثاني على نفس المشكلة - مراجعة قبل ما أنشر تغيير كبير - زاوية مختلفة في التفكير

ما عندي قاعدة ثابته.

كل أداة لها قوة في شي، والى الان قاعد اكتشف ايش الأفضل في ايش.

للمحتوى: Hermes في Obsidian

طريقتي في المحتوى تبدأ من Capture، ما تبدأ من “اكتب لي منشور”.

• أي فكرة تجيني، ارميها في Inbox اليومي داخل Obsidian
• مرة في الأسبوع، يقرأ Hermes الـInbox ويساعدني افلتر الافكار الخاصة في المحتوى
• الأفكار اللي تستحق، اخليه يحولها لـdrafts
• اقرأها، اعدلها، انشرها

اهم نقطة: المحتوى يجي من شغل حقيقي.

للبحث: SEMrush + Claude + ChatGPT + Google

لما ابي افهم سوق، منافس، أو فرصة SEO:

• SEMrush لفهم الكلمات المفتاحية، حجم البحث، ومنافسي في Google
• Claude أو ChatGPT لتحليل ما اشوفه وتلخيصه
• Google للتحقق من المعلومات على أرض الواقع

ولا أداة وحدها كافية. الـAI يساعد في التحليل، لكن البيانات الأولية تجي من أدوات مختلفة.

وش جربت وما اشتغل؟

الصراحة؟ لين الحين ما تركت أي أداة.

قاعد اكتشف ايش كل AI أفضل فيه. كل أسبوع اجرب شي جديد، اشوف وش يضيف، واخلي القرار يجي من التجربة، مو من الترند.

هذي نقطة مهمة: ما تختار الأداة بسبب ضجة على X. اختارها لما تحل لك مشكلة حقيقية تكررت معك.

القاعدة الكبيرة اللي تعلمتها

القوة مو في عدد الأدوات.

القوة في إن AI يدخل في نظامك، مو يكون تبويب منفصل تفتحه وتقفله.

ركز على شي واحد:

ابني Personal OS بسيط (Obsidian أو غيره)، حط فيه شغلك ومشاريعك وملاحظاتك، بعدها خل AI يفهمك وانت تفهمه اكثر.

من هنا يبدأ الفرق.

ايش الـAI اللي تستخدمه يومياً وايش اللي تشوف انه ضيع وقتك؟

ردك يساعدني اعرف ايش يستحق نتعمق فيه في الرسائل القادمة.

لاتنسى تشترك معنا في قناتنا على الـ Telegram وتشارك مع مؤسسين والمطورين

شكراً لاشتراكك 👋

Aziz